سپاہی آج بھی کوئی نہیں آیا

سپاہی آج بھی کوئی نہیں آیا

کسی نے پھول ہی بھیجے

نہ بستی کے گھروں سے آشنا گیتوں کی آوازیں سنائی دیں

نہ پرچم کوئی لہرایا

سپاہی! شام ہونے آئی اور کوئی نہیں آیا

فنا کی خندقوں کو جان دے کر پار کر جانا بڑی بات

جہاں جینے کی خاطر مر رہے ہوں لوگ اس بستی میں مر جانا بڑی بات

مگر پل بھر کو یہ سوچا تو ہوتا

تمہارے بعد گھر کی منتظر دہلیز کو جاگے ہوئے دل کی نشانی کون دے گا

ہواؤں سے الجھتی روشنی کو اعتبار کامرانی کون دے گا

در و دیوار سے لپٹی ہوئی بیلوں کو پانی کون دے گا

sipahi aj bhi koi nahin aya

kisi ne phul hi bheje

na basti ke gharon se ashna giton ki awazen sunai den

na parcham koi lahraya

sipahi! sham hone ai aur koi nahin aya

fana ki khandaqon ko jan de kar par kar jana bari bat

jahan jine ki khatir mar rahe hun log is basti mein mar jana bari bat

magar pal bhar ko ye socha to hota

tumhare baad ghar ki muntazir dahliz ko jage hue dil ki nishani kaun dega

hawaon se ulajhti raushni ko etibar kamrani kaun dega

dar-o-diwar se lipti hui bilon ko pani kaun dega