اپنے شہسواروں کو

اپنے شہسواروں کو

قتل کرنے والوں سے

خوں بہا طلب کرنا

وارثوں پہ واجب تھا

قاتلوں پہ واجب تھا

خوں بہا ادا کرنا

واجبات کی تکمیل

منصفوں پہ واجب تھی

منصفوں کی نگرانی

قدسیوں پہ واجب تھی

وقت کی عدالت میں

ایک سمت مسند تھی

ایک سمت خنجر تھا

تاج زرنگار اک سمت

ایک سمت لشکر تھا

اک طرف مقدر تھا

طائفے پکار اٹھے

تاج و تخت زندہ باد

ساز و رخت زندہ باد

ساز و رخت زندہ باد

خلق ہم سے کہتی ہے

سارا ماجرا لکھیں

کس نے کس طرح پایا

اپنا خوں بہا لکھیں

چشم نم سے شرمندہ

ہم قلم سے شرمندہ

سوچتے ہیں

کیا لکھیں

apne shahsawaron ko

qatl karne walon se

khun baha talab karna

warison pe wajib tha

qatilon pe wajib tha

khun baha ada karna

wajbat ki takmil

munsifon pe wajib thi

munsifon ki nigrani

qudsiyon pe wajib thi

waqt ki adalat mein

ek samt masnad thi

ek samt khanjar tha

taj zarnigar ik samt

ek samt lashkar tha

ik taraf muqaddar tha

taife pukar uthe

taj-o-takht zinda bad

saz-o-rakht zinda bad

saz-o-rakht zinda bad

khalq ham se kahti hai

sara majra likhen

kis ne kis tarah paya

apna khun baha likhen

chashm-e-nam se sharminda

ham qalam se sharminda

sochte hain

kya likhen