وہ فرات کے ساحل پر ہوں یا کسی اور کنارے پر

وہ فرات کے ساحل پر ہوں یا کسی اور کنارے پر

سارے لشکر ایک طرح کے ہوتے ہیں

سارے خنجر ایک طرح کے ہوتے ہیں

گھوڑوں کی ٹاپوں میں روندی ہوئی روشنی

دریا سے مقتل تک پھیلی ہوئی روشنی

سارے منظر ایک طرح کے ہوتے ہیں

ایسے ہر منظر کے بعد اک سناٹا چھا جاتا ہے

یہ سناٹا طبل و علم کی دہشت کو کھا جاتا ہے

سناٹا فریاد کی لے ہے احتجاج کا لہجہ ہے

یہ کوئی آج کی بات نہیں ہے بہت پرانا قصہ ہے

ہر قصے میں صبر کے تیور ایک طرح کے ہوتے ہیں

وہ فرات کے ساحل پر ہوں یا کسی اور کنارے پر

سارے لشکر ایک طرح کے ہوتے ہیں

wo furat ke sahil par hun ya kisi aur kinare par

sare lashkar ek tarah ke hote hain

sare khanjar ek tarah ke hote hain

ghoron ki tapon mein raundi hui raushni

dariya se maqtal tak phaili hui raushni

sare manzar ek tarah ke hote hain

aise har manzar ke baad ik sannata chha jata hai

ye sannata tabal-o-alam ki dahshat ko kha jata hai

sannata fariyad ki le hai ehtijaj ka lahja hai

ye koi aj ki bat nahin hai bahut purana qissa hai

har qisse mein sabr ke tewar ek tarah ke hote hain

wo furat ke sahil par hun ya kisi aur kinare par

sare lashkar ek tarah ke hote hain