پھر اندھیروں نے راستے روکے

پھر اندھیروں نے راستے روکے

پھر نئے خضر ہیں نئے دھوکے

غم کے ماروں کی سادگی دیکھو

مانگتے ہیں یہ ہر خوشی رو کے

ہم کہ جویائے عالم نو تھے

گھر کو لوٹے کہاں کہاں ہو کے

ہم سے مت پوچھ صبح کب ہوگی

ہم نے صدیاں گنوائی ہیں سو کے

جز اجل کوئی تو صلہ ملتا

زندگی تیرے بوجھ کو ڈھو کے

زہر زنداں صلیب یاد آئے

ذہن میں تخم آگہی بو کے

بات انساں کی کیوں سنے احسنؔ

جو فرشتہ ہو وہ اسے ٹوکے

phir andheron ne raste roke

phir nae khizr hain nae dhoke

gham ke maron ki sadgi dekho

mangte hain ye har khushi ro ke

ham ke joya-e-alam-e-nau the

ghar ko laute kahan kahan ho ke

ham se mat puchh subh kab hogi

ham ne sadiyan ganwai hain so ke

juz ajal koi to sila milta

zindagi tere bojh ko dho ke

zahr zindan salib yad ae

zehn mein tukhm agahi bu ke

bat insan ki kyun sune ahsan

jo farishta ho wo use toke