میرے اندر تعفن زدہ ایک لاش تھی

میرے اندر تعفن زدہ ایک لاش تھی

جسے

ایک ابدی گڑھے میں پھینک آنے والے کے نام

عین میم رے اور الف سے شروع ہوتے ہیں

آج میں

ایک ایسا ہرا بھرا درخت ہوں

جو پھل پھول تو دیتا ہے

سایہ نہیں

مجھے بھی کاندھا دینا ہے

ان لاشوں کو

جو موجود تو ہیں لیکن دکھائی نہیں دیتیں

میں اگر ایسا نہ کر سکا

تو میرے کتبے پر لکھوا دینا

یہاں ایک ایسا شخص دفن ہے

جس کے نام کے پہلے ہی حرف کے اعداد

سب سے زیادہ تھے

یعنی پورے ایک ہزار

لیکن وہ

ایک بھی نہ تھا

mere andar taaffun zada ek lash thi

jise

ek abadi garhe mein phenk ane wale ke nam

ain mem re aur alif se shuru hote hain

aj main

ek aisa hara bhara darakht hun

jo phal phul to deta hai

saya nahin

mujhe bhi kandha dena hai

in lashon ko

jo maujud to hain lekin dikhai nahin detin

main agar aisa na kar saka

tu mere katbe par likhwa dena

yahan ek aisa shakhs dafn hai

jis ke nam ke pahle hi harf ke aadad

sab se ziyada the

yaani pure ek hazar

lekin wo

ek bhi na tha