ہر پتھر میں چھپی ہوئی اک موت ہے جو سوچ رہی ہے

ہر پتھر میں چھپی ہوئی اک موت ہے جو سوچ رہی ہے

سورج کے آئینے میں جو شکل بھی ہے

وہ اندھی کالی

دیواروں سے چپکی ہیں ٹوٹی پرچھائیں

کچی اینٹوں کے پل بنتے ہیں دن میں

راتوں میں پانی پر چلتے ہیں سب لوگ

سارے پربت

ساگر پی کر آئے ہیں

تم بونوں کی بستی میں بھی چھوٹے ہو

اپنے سائے سے ڈر کر کہتی ہیں فصلیں

سانپ اگاؤ

جتنے بھی مینڈک ہیں ان کو باہر بھیجو

اپنی اپنی قبر سے اٹھ کر

راتوں میں کیوں

کتبے لوگ مٹا دیتے ہیں

سارے کاغذ پر

کتنی ہی تصویریں ہیں

رات پگھلتے سورج کا منہ دیکھ رہی ہے

اب سو جاؤ

har patthar mein chhupi hui ik maut hai jo soch rahi hai

suraj ke aine mein jo shakl bhi hai

wo andhi kali

diwaron se chipki hain tuti parchhain

kachchi inton ke pal bante hain din mein

raton mein pani par chalte hain sab log

sare parbat

sagar pi kar ae hain

tum bonon ki basti mein bhi chhote ho

apne sae se dar kar kahti hain faslen

sanp ugao

jitne bhi mendak hain un ko bahar bhejo

apni apni qabr se uth kar

raton mein kyun

katbe log mita dete hain

sare kaghaz par

kitni hi taswiren hain

rat pighalte suraj ka munh dekh rahi hai

ab so jao