خون میں تمہارے ہیں

خون میں تمہارے ہیں

کون سے جس میں کم

سرخ یا سفید

ساعتوں کو گھول کر پیو

کہ دھوپ تیز ہے

کل جو ننھی کونپلیں تھیں

بیل بن کے

آسماں کا منہ چڑا رہی ہیں آج

روشنی سے دور

خاص موسموں کے پانیوں کی آس میں

بند منہ صدف لیے

گرد سے اٹی چھتوں سے اپنے سر نکال کر

پھیلتی ہی جا رہی ہیں

اور تم

دائیں پسلی ہاتھ میں لیے ہوئے

بائیں پسلی ڈھونڈنے

ہر اک آسماں کھنگال آئے ہو

شہاب ٹوٹ کر گریں کہ خواب دیکھتا نہیں

کوئی اداس راستوں کو دیکھ کر

رکا نہیں

زمیں سے آسماں کا تھا کبھی جو سلسلہ نہیں

بغیر تیشہ مر سکے کوئی یہاں

وہ داستاں کے شاہزادے ہیں کہاں

khun mein tumhare hain

kaun se jis mein kam

surkh ya safed

saaton ko ghol kar piyo

ke dhup tez hai

kal jo nanhi konpalen thin

bel ban ke

asman ka munh chira rahi hain aj

raushni se dur

khas mausamon ke paniyon ki as mein

band munh sadaf liye

gard se ati chhaton se apne sar nikal kar

phailti hi ja rahi hain

aur tum

daen pasli hath mein liye hue

baen pasli dhundne

har ik asman khangal ae ho

shahab tut kar giren ke khwab dekhta nahin

koi udas raston ko dekh kar

ruka nahin

zamin se asman ka tha kabhi jo silsila nahin

baghair tesha mar sake koi yahan

wo dastan ke shahzade hain kahan