اب تو بوسیدہ ہو چلے ہیں ہم

اب تو بوسیدہ ہو چلے ہیں ہم

ٹوٹنے پھوٹنے لگے ہیں ہم

زخم دل کی کسک چھپانے کو

جسم پر گھاؤ چاہتے ہیں ہم

اب نہیں فکر سود رنج زیاں

خوار ہونا تھا ہو چکے ہیں ہم

اب سبھی کچھ ہمیں گوارا ہے

ہائے کتنے بدل گئے ہیں ہم

ہم سے دامن بچا کے چلتی ہے

اے صبا تجھ کو جانتے ہیں ہم

راہبر کے بغیر ہی احسنؔ

نئی راہوں پہ چل سکے ہیں ہم

ab to bosida ho chale hain ham

tutne phutne lage hain ham

zakhm-e-dil ki kasak chhupane ko

jism par ghao chahte hain ham

ab nahin fikr sud ranj-e-ziyan

khwar hona tha ho chuke hain ham

ab sabhi kuchh hamen gawara hai

hae kitne badal gae hain ham

ham se daman bacha ke chalti hai

ai saba tujh ko jante hain ham

rahbar ke baghair hi ahsan

nai rahon pe chal sake hain ham