اب مرے پاس فقط ڈھال ہے تلوار نہیں

اب مرے پاس فقط ڈھال ہے تلوار نہیں

میں زمیں دار کا بیٹا ہوں زمیں دار نہیں

رینگتے سانپ نظر آتے ہیں ہر سو مجھ کو

کیسے کہہ دوں کہ یہ فرعون کا دربار نہیں

زندگی کیسے گزاریں گے نہ جانے اپنی

میرے بچوں میں ذرا بھی کوئی مکار نہیں

قصر شاہی کا سمجھ لینا نہ حصہ خود کو

تو کہ دیوار کا سایہ ہے تو دیوار نہیں

ایک مدت ہوئی انگاروں پہ سوتے سوتے

پھر بھی اس وقت تلک قوم یہ بیدار نہیں

ہے زمینوں کے خریدار تو لاکھوں کیفیؔ

آسمانوں کا مگر کوئی خریدار نہیں

ab mire pas faqat dhal hai talwar nahin

main zamin dar ka beta hun zamin dar nahin

rengte sanp nazar ate hain har su mujh ko

kaise kah dun ke ye firaun ka darbar nahin

zindagi kaise guzarenge na jane apni

mere bachchon mein zara bhi koi makkar nahin

qasr-e-shahi ka samajh lena na hissa khud ko

tu ke diwar ka saya hai to diwar nahin

ek muddat hui angaron pe sote sote

phir bhi is waqt talak qaum ye bedar nahin

hai zaminon ke kharidar to lakhon kaifi

asmanon ka magar koi kharidar nahin