آسماں راحتوں کی جواں سیج تھا

آسماں راحتوں کی جواں سیج تھا

روشنی پوچھتی ہے کہ میں

کیسے اندھا ہوا

میں تو اندھا ہی ٹھہرا مگر

وہ جو بینا ہیں کیوں

سات رنگوں کو بھی

ایک ہی جانتے ہیں

روشنی کل جہاں دھوپ تھی

آج سایہ بنی

کس کے پیروں سے چل کر

یہاں تک چلے آئے تم

رات کے ساتھ مجھ کو نگلنے کی خواہش

کتنی مہنگی پڑی ہے

کوئی سورج تمہارے بدن میں بھی پلنے لگا ہے

یہ زمیں

ایک کانٹوں بھرا تاج کیوں بن گئی ہے

asman rahaton ki jawan sej tha

raushni puchhti hai ke main

kaise andha hua

main to andha hi thahra magar

wo jo bina hain kyun

sat rangon ko bhi

ek hi jante hain

raushni kal jahan dhup thi

aj saya bani

kis ke pairon se chal kar

yahan tak chale ae tum

rat ke sath mujh ko nigalne ki khwahish

kitni mahngi pari hai

koi suraj tumhare badan mein bhi palne laga hai

ye zamin

ek kanton bhara taj kyun ban gai hai