جہاں میں ہوں

جہاں میں ہوں

وہاں

وقت

ایک اونچی پہاڑی پر چڑھ کر بیٹھ گیا ہے

اسے

میرے لفظ بھی

جو کشتی میں لدی ہوئی کتابوں کے

حکمراں ہیں

ابھی تک

نیچے نہیں اتار سکے

میرا دن

اپنے ہاتھ میں ایک لاٹھی لیے چل رہا ہے

رات

سورج کے ساتھ سوالوں کو

پورا کرنے کے لئے نکل گئی ہے

اور میں

نیند میں چلتا ہوا

اپنے آپ کو

آسمان میں دفن کر آتا ہوں

جاگتا ہوں تو پھر

خود کو زمین کے خول ہی میں پاتا ہوں

جب میرے لفظ

وقت کو

پہاڑی سے نیچے اتار لیں گے

میری جڑیں

سات سمندر تک پھیل جائیں گی

اور میں

اپنے ہی لفظوں سے

ایک ایسی سیڑھی بنا لوں گا

جو زمین سے آسمان تک پہنچتی ہے

jahan mein hun

wahan

waqt

ek unchi pahari par charh kar baith gaya hai

use

mere lafz bhi

jo kashti mein ladi hui kitabon ke

hukmaran hain

abhi tak

niche nahin utar sake

mera din

apne hath mein ek lathi liye chal raha hai

rat

suraj ke sath sawalon ko

pura karne ke liye nikal gai hai

aur main

nind mein chalta hua

apne ap ko

asman mein dafn kar ata hun

jagta hun to phir

khud ko zamin ke khol hi mein pata hun

jab mere lafz

waqt ko

pahari se niche utar lenge

meri juren

sat samundar tak phail jaengi

aur main

apne hi lafzon se

ek aisi sirhi bana lunga

jo zamin se asman tak pahunchti hai