یوں موسموں کے ساتھ بھی لڑنا ضرور تھا

یوں موسموں کے ساتھ بھی لڑنا ضرور تھا

لیکن شجر تھا میں تو اجڑنا ضرور تھا

اب مضطرب ہیں لمس سے محروم انگلیاں

بچپن میں تتلیوں کو پکڑنا ضرور تھا

تقدیر میں بھی لکھا تھا اک پیاس کا سفر

دریا بھی میری راہ میں پڑنا ضرور تھا

رہتے بھی کتنی دیر ہواؤں کے دوش پر

ہر تیر کو زمین پہ گرنا ضرور تھا

کیفیؔ ہمیں بھی کچھ تو مسافت کا علم تھا

اک سنگ میل راہ میں گڑنا ضرور تھا

yun mausamon ke sath bhi larna zarur tha

lekin shajar tha main to ujarna zarur tha

ab muztarib hain lams se mahrum ungliyan

bachpan mein titliyon ko pakarna zarur tha

taqdir mein bhi likha tha ik pyas ka safar

dariya bhi meri rah mein parna zarur tha

rahte bhi kitni der hawaon ke dosh par

har tir ko zamin pe girna zarur tha

kaifi hamen bhi kuchh to masafat ka ilm tha

ik sang-e-mel-e-rah mein gurna zarur tha