جب کبھی میں اداس ہوتی ہوں

جب کبھی میں اداس ہوتی ہوں

اک ہجوم آنسوؤں کا پلکوں پر

منتظر اذن کو تڑپاتا ہے

کیا کروں میں سمجھ نہیں آتا

کس طرح سے تمہاری یادوں کو

صورت اشک میں بہا ڈالوں

کیا کہوں اک گھٹن کا عالم ہے

میں ہوں تنہائی اور تری یادیں

ہر گھڑی دل کو آرزو ہے یہی

جو ابھی تک نہیں ہوا جاناں

کاش ایسا کبھی تو ہو جائے

یاد آئے نہ تیری اس سے قبل

تو مرے سامنے چلا آئے

jab kabhi main udas hoti hun

ik hujum ansuon ka palkon par

muntazir izn ko tarapita hai

kya karun main samajh nahin ata

kis tarah se tumhari yadon ko

surat-e-ashk mein baha dalun

kya kahun ik ghutan ka alam hai

main hun tanhai aur tiri yaden

har ghari dil ko arzu hai yahi

jo abhi tak nahin hua janan

kash aisa kabhi to ho jae

yad ae na teri is se qabl

tu mire samne chala ae