شعور و فکر کی گہرائیوں سے ہار گیا

شعور و فکر کی گہرائیوں سے ہار گیا

میں وہ بدن ہوں جو پرچھائیوں سے ہار گیا

جسے تمام زمانہ نہ کر سکا قائل

وہ خود ضمیر کی سچائیوں سے ہار گیا

مری جڑوں کو چلا ہے وہ کھوکھلا کرنے

زمانہ جب مری اونچائیوں سے ہار گیا

میں دشمنوں سے بھی نظریں ملا نہیں سکتا

مرا خلوص مرے بھائیوں سے ہار گیا

میں تیری میز پہ رکھا ہوا اک آئینہ

ہزار طرح کی بینائیوں سے ہار گیا

نصیب تب کہیں تنہائیاں ہوئیں کیفیؔ

یہ دل جب انجمن آرائیوں سے ہار گیا

shuur-o-fikr ki gahraiyon se har gaya

main wo badan hun jo parchhaiyon se har gaya

jise tamam zamana na kar saka qail

wo khud zamir ki sachchaiyon se har gaya

miri jaron ko chala hai wo khokhla karne

zamana jab miri unchaiyon se har gaya

main dushmanon se bhi nazren mila nahin sakta

mira khulus mire bhaiyon se har gaya

main teri mez pe rakha hua ik aina

hazar tarah ki binaiyon se har gaya

nasib tab kahin tanhaiyan huin kaifi

ye dil jab anjuman araiyon se har gaya