دشت گرم و سرد میں یہ بے دیاروں کا ہجوم

دشت گرم و سرد میں یہ بے دیاروں کا ہجوم

بے خبر ماحول سے

چپ چاپ

خود سے ہم کلام

چل رہا ہے سر جھکائے اس طرح

جس طرح مرگھٹ پہ روحوں کا خرام

زرد چہروں پر ہے صدیوں کی تھکن

سانس لیتے ہیں کچھ ایسے

جیسے ہوتی ہو چبھن

ہونٹ پر غمگیں تبسم اور سینے میں بکا

ہر قدم پر ہڈیوں کے کڑکڑانے کی صدا

ان کی آنکھیں

جن پہ حکم دیدۂ بینا لگاتے ہیں

دیوتاؤں کی بصیرت کانپ جائے

ذہن و دل کا فاصلہ طے کرتے کرتے ہانپ جائے

وسعت ارض و سما اک دیدۂ حیران ہے

اف! یہ میلا کس قدر ویران ہے!!

dasht-e-garm-o-sard mein ye be dayaron ka hujum

be khabar mahaul se

chup chap

khud se ham kalam

chal raha hai sar jhukae is tarah

jis tarah marghut pe ruhon ka khiram

zard chehron par hai sadiyon ki thakan

sans lete hain kuchh aise

jaise hoti ho chubhan

hont par ghamgin tabassum aur sine mein buka

har qadam par haddiyon ke karkarane ki sada

un ki ankhen

jin pe hukm dida-e-bina lagate hain

dewtaon ki basirat kanp jae

zehn-o-dil ka fasla tai karte karte hanp jae

wusat-e-arz-o-sama ik dida-e-hairan hai

uf! ye maila kis qadar wiran hai!!