میری آنکھوں میں ہے بے خوابی کے نشتر چبھن

میری آنکھوں میں ہے بے خوابی کے نشتر چبھن

ہر طرف تیرہ شبی، ہر طرف ایک گھٹن

کوئی شعلہ نہ کرن

سرد ہونے کو ہے دل کی دھڑکن

تک رہی ہے مجھے کس حسرت سے

میرے بستر کی ہر اک درد سے بھرپور شکن

ڈس نہ لے دل کو یہ تنہائی کے احساس کی کالی ناگن

اے مرے خواب کی دلکش پریو

گنگناتی ہوئی زلفوں کی گھٹا

سرخ رخسار

دمکتے ہوئے لب

نشۂ چشم فسوں ساز لیے

مرمریں جسم لیے

شعلۂ آواز لیے

آ سکو آج اگر آ جاؤ

میری تنہائی کو چمکا جاؤ

سرد ہے آتش دل

اپنے آنچل کی ہوا سے اسے دہکا جاؤ!

meri ankhon mein hai be khwabi ke nashtar chubhan

har taraf tira shbai, har taraf ek ghutan

koi shola na kiran

sard hone ko hai dil ki dharkan

tak rahi hai mujhe kis hasrat se

mere bistar ki har ik dard se bharpur shikan

das na le dil ko ye tanhai ke ehsas ki kali nagin

ai mire khwab ki dilkash pariyo

gungunati hui zulfon ki ghata

surkh rukhsar

damakte hue lab

nasha-e-chashm-e-fusun saz liye

marmarin jism liye

shola-e-awaz liye

a sako aj agar a jao

meri tanhai ko chamka jao

sard hai atish-e-dil

apne anchal ki hawa se use dahka jao!