دیکھ بوا مری گوٹے کی چنری
Hafeez Jalandhari (1900–1982)دیکھ بوا مری گوٹے کی چنری
آ ہا جی گل ناری چنری
رنگ رنگیلی پیاری چنری
ململ کی اک تاری چنری
نازک نازک ساری چنری
دیکھ بوا مری گوٹے کی چنری
امی کے کچھ جی میں آیا
گوٹے کا اک تھان منگایا
چنری پر سارا چپکایا
ہر کونے پر پھول بنایا
دیکھ بوا مری گوٹے کی چنری
لچکا ہے ہاتھوں میں لچکتا
گوٹا ہے کندن سا دمکتا
روشنی میں کیسا ہے چمکتا
ہاتھ لگانے سے ہے مسکتا
دیکھ بوا مری گوٹے کی چنری
اس کو خراب ہونے نہ دوں گی
بیٹھوں گی تو سنبھال رکھوں گی
گھر میں جا کر رکھ چھوڑوں گی
اور تہوار کے دن اوڑھوں گی
دیکھ بوا مری گوٹے کی چنری
dekh bua miri gote ki chunri
a ha ji gul nari chunri
rang rangili pyari chunri
malmal ki ik tari chunri
nazuk nazuk sari chunri
dekh bua miri gote ki chunri
ammi ke kuchh ji mein aya
gote ka ik than mangaya
chunri par sara chipkaya
har kone par phul banaya
dekh bua miri gote ki chunri
lachka hai hathon mein lachakta
gota hai kundan sa damakta
raushni mein kaisa hai chamakta
hath lagane se hai masakta
dekh bua miri gote ki chunri
us ko kharab hone na dungi
baithungi to sambhal rakhungi
ghar mein ja kar rakh chhorungi
aur tahwar ke din orhungi
dekh bua miri gote ki chunri