یوں تو کہنے کو مرے خون کے پیاسے ہیں سبھی

یوں تو کہنے کو مرے خون کے پیاسے ہیں سبھی

سر قلم کون کرے گا کہ نہتے ہیں سبھی

کل جو مسجد میں گئے ہم تو یہ محسوس ہوا

ایک ہم ہی ہیں گنہ گار فرشتے ہیں سبھی

اب یہ کیوں میری زباں کاٹ رہے ہو صاحب

تم تو کہتے تھے کہ اس شہر میں گونگے ہیں سبھی

قد بڑھا دے مرا یا شاخوں کو نیچا کر دے

جس قدر پھل ہیں مرے ہاتھ سے اونچے ہیں سبھی

خود کو اب بیچنے نکلو گے تو جاؤ گے کہاں

جتنے بازار میں سکے ہیں وہ کھوٹے ہیں سبھی

yun to kahne ko mire khun ke pyase hain sabhi

sar qalam kaun karega ke nahte hain sabhi

kal jo masjid mein gae ham to ye mahsus hua

ek ham hi hain gunah gar farishte hain sabhi

ab ye kyun meri zaban kat rahe ho sahab

tum to kahte the ke is shahr mein gunge hain sabhi

qad barha de mira ya shakhon ko nicha kar de

jis qadar phal hain mire hath se unche hain sabhi

khud ko ab bechne nikloge to jaoge kahan

jitne bazar mein sake hain wo khote hain sabhi