فتنۂ خفتہ جگائے اس گھڑی کس کی مجال

فتنۂ خفتہ جگائے اس گھڑی کس کی مجال

قید ہیں شہزادیاں کوئی نہیں پرسان حال

ان غریبوں کی مدد پر کوئی آمادہ نہیں

ایک شاعر ہے یہاں لیکن وہ شہزادہ نہیں

آہوؤں کی سرمگیں پلکیں فضا پر حکمراں

چھائی ہیں ارض و سما پر آہنیں سی جالیاں

دور سے کوہسار و وادی پر یہ ہوتا ہے گماں

اونٹ ہیں بیٹھے ہوئے اترا ہوا ہے کارواں

یا اثر ہیں آسمان پیر پر برسات کے

خیمۂ بوسیدہ میں پیوند ہیں بانات کے

اور اس خیمے کے اندر زندگی سوئی ہوئی

تیرگی سوئی ہوئی تابندگی سوئی ہوئی

اے حفیظؔ ان نیند کے ماتوں کی منزل سے نکل

کام ہے درپیش دام دیدہ و دل سے نکل

دیدہ و دل کو بھی غفلت کے شبستاں سے نکال

یہ جو خاموشی کی زنجیریں ہیں ان کو توڑ ڈال

صبح کرنے کے لیے پھر ہاو ہو درکار ہے

شکر کر سوتی ہوئی دنیا میں تو بیدار ہے

fitna-e-khufta jagae us ghari kis ki majal

qaid hain shahzadiyan koi nahin parsan-e-hal

in gharibon ki madad par koi amada nahin

ek shayar hai yahan lekin wo shahzada nahin

ahuon ki surmagin palken faza par hukmaran

chhai hain arz-o-sama par ahanen si jaliyan

dur se kohsar-o-wadi par ye hota hai guman

unt hain baithe hue utra hua hai karwan

ya asar hain asman-e-pir par barsat ke

khema-e-bosida mein paiwand hain banat ke

aur is kheme ke andar zindagi soi hui

tirgi soi hui tabindagi soi hui

ai hafiz un nind ke maton ki manzil se nikal

kam hai darpesh dam-e-dida-o-dil se nikal

dida-o-dil ko bhi ghaflat ke shabistan se nikal

ye jo khamoshi ki zanjiren hain un ko tor dal

subh karne ke liye phir hao ho darkar hai

shukr kar soti hui duniya mein to bedar hai