ایک بے تکی نظم

ایک بے تکی نظم

آج بستر ہی میں ہوں

کر دیا ہے آج

میرے مضمحل اعضا نے اظہار بغاوت برملا

میرا جسم ناتواں میرا غلام باوفا

واقعی معلوم ہوتا ہے تھکا ہارا ہوا

اور میں

ایک سخت گیر آقا۔۔۔ زمانے کا غلام

کس قدر مجبور ہوں

پیٹ پوجا کے لیے

دو قدم بھی اٹھ کے جا سکتا نہیں

میرے چا کر پاؤں شل ہیں

جھک گیا ہوں ان کمینوں کی رضا کے سامنے

سر اٹھا سکتا نہیں

آج بستر ہی میں ہوں

ek be taki nazm

aj bistar hi mein hun

kar diya hai aj

mere muzmahil aaza ne izhar-e-baghawat barmala

mera jism-e-natawan mera ghulam bawafa

waqai maalum hota hai thaka hara hua

aur main

ek sakht gir aqa... zamane ka ghulam

kis qadar majbur hun

pet puja ke liye

do qadam bhi uth ke ja sakta nahin

mere cha kar paon shil hain

jhuk gaya hun in kaminon ki raza ke samne

sar utha sakta nahin

aj bistar hi mein hun