اپنے سب زخموں پہ ہم سوئے تھے آنسو باندھ کر

اپنے سب زخموں پہ ہم سوئے تھے آنسو باندھ کر

آ گئیں پروائیاں پیروں میں گھنگرو باندھ کر

ایک اک کر کے تری یادوں کی ساری تتلیاں

ہو گئیں رخصت مری پلکوں میں جگنو باندھ کر

منزلت سے میری ناواقف نہ تھے مجبور تھے

رو پڑے دشمن مرے رسی میں بازو باندھ کر

خوش نسب لوگوں کے بیٹوں کو نہیں اس کی خبر

شیر مارے جائیں گے جنگل میں آہو باندھ کر

مال اور دولت کی اے کیفیؔ تمنا کس لئے

ساتھ لے جائے گا دنیا سے تو کیا کیا باندھ کر

apne sab zakhmon pe ham soe the ansu bandh kar

a gain purwaiyan pairon mein ghungru bandh kar

ek ik kar ke tiri yadon ki sari titliyan

ho gain rukhsat miri palkon mein jugnu bandh kar

manzilat se meri nawaqif na the majbur the

ro pare dushman mire rassi mein bazu bandh kar

khush nasab logon ke beton ko nahin us ki khabar

sher mare jaenge jangal mein ahu bandh kar

mal aur daulat ki ai kaifi tamanna kis liye

sath le jaega duniya se to kya kya bandh kar