امارت اور شوکت اور سرمائے کی تصویریں

امارت اور شوکت اور سرمائے کی تصویریں

یہ ایوانات سب ہیں حال ہی کی تازہ تعمیریں

ادھر کچھ فاصلے پر چند گھر تھے کاشت کاروں کے

جہاں اب کارخانے بن گئے سرمایہ داروں کے

مویشی ہو گئے نیلام کیوں یہ کوئی کیا جانے

کچہری جانے ساہوکار جانے یا خدا جانے

زمیں داروں کو جا کر دیکھ لے جو بھی کوئی چاہے

نئے بھٹوں میں اینٹیں تھاپتے پھرتے ہیں ہلواہے

یہاں اپنے پرانے گاؤں کا اب کیا رہا باقی

یہی تکیہ یہی اک میں یہی اک جھونپڑا باقی

عظیم الشان بستی ہے یہ نو آباد ویرانہ

یہاں ہم اجنبی دونوں ہیں میں اور میرا کاشانہ

amarat aur shaukat aur sarmae ki taswiren

ye aiwanat sab hain hal hi ki taza taamiren

idhar kuchh fasle par chand ghar the kasht karon ke

jahan ab karkhane ban gae sarmaya daron ke

maweshi ho gae nilam kyun ye koi kya jane

kachahri jane sahukar jane ya khuda jane

zamin daron ko ja kar dekh le jo bhi koi chahe

nae bhatton mein inten thapatte phirte hain hiloahhe

yahan apne purane gaon ka ab kya raha baqi

yahi takiya yahi ik main yahi ik jhonpra baqi

azim alshshan basti hai ye nau abad wirana

yahan ham ajnabi donon hain main aur mera kashana