آگے پیچھے دائیں بائیں

آگے پیچھے دائیں بائیں

کائیں کائیں کائیں کائیں

صبح سویرے نور کے تڑکے

منہ دھو دھا کر ننھے لڑکے

بیٹھتے ہیں جب کھانا کھانے

کوے لگتے ہیں منڈلانے

توبہ توبہ ڈھیٹ ہیں کتنے

کوے ہیں یا کالے فتنے

لاکھ ہنکاؤ لاکھ اڑاؤ

منہ سے چیخو ہاتھ ہلاؤ

گھورو گھڑکو یا دھتکارو

کوئی چیز اٹھا کر مارو

کوے باز نہیں آتے ہیں

جاتے ہیں پھر آ جاتے ہیں

ہر دم ہے کھانے کی عادت

شور مچانے کی ہے عادت

بچوں سے بالکل نہیں ڈرتا

ان کی کچھ پروا نہیں کرتا

دیکھا ننھا بھولا بھالا

چھین لیا ہاتھوں سے نوالا

کوئی اشارہ ہو یا آہٹ

تاڑ کے اڑ جاتا ہے جھٹ پٹ

اب کرنے دو کائیں کائیں

ہم کیوں اپنی جان کھپائیں

age pichhe daen baen

kaen kaen kaen kaen

subh sawere nur ke tarke

munh dho dha kar nanhe larke

baithte hain jab khana khane

kawwe lagte hain mandlane

tauba tauba dhit hain kitne

kawwe hain ya kale fitne

lakh hankao lakh urao

munh se chikho hath hilao

ghuwru ghurko ya dhutkaro

koi chiz utha kar maro

kawwe baz nahin ate hain

jate hain phir a jate hain

har dam hai khane ki adat

shor machane ki hai adat

bachchon se bilkul nahin darta

un ki kuchh parwa nahin karta

dekha nanha bhula bhala

chhin liya hathon se nauilla

koi ishara ho ya ahat

tar ke ur jata hai jhat pat

ab karne do kaen kaen

ham kyun apni jan khapaen