سینے میں اس چبھے ہوئے خنجر کا شکریہ

سینے میں اس چبھے ہوئے خنجر کا شکریہ

ہاں شکریہ عزیز برادر کا شکریہ

کشتی کو ڈوبنے کا سلیقہ سکھا دیا

طوفان کا بھنور کا سمندر کا شکریہ

قسمت میں تھے مری یہی تحفے لکھے ہوئے

پھولوں کا شکریہ ترے پتھر کا شکریہ

زد سے ہمارے عکس کی آزاد ہو گئے

آئینے اب ادا کریں پتھر کا شکریہ

کچھ تو ہماری پیاس کا تم نے رکھا بھرم

اس زہر سے بھرے ہوئے ساغر کا شکریہ

سب میرے دشمنوں کے مددگار ہو گئے

سارے ہی دوستوں کا برابر کا شکریہ

sine mein is chubhe hue khanjar ka shukriya

han shukriya aziz baradar ka shukriya

kashti ko dubne ka saliqa sikha diya

tufan ka bhanwar ka samundar ka shukriya

qismat mein the miri yahi tohfe likhe hue

phulon ka shukriya tire patthar ka shukriya

zad se hamare aks ki azad ho gae

aine ab ada karen patthar ka shukriya

kuchh to hamari pyas ka tum ne rakha bharam

is zahr se bhare hue saghar ka shukriya

sab mere dushmanon ke madadgar ho gae

sare hi doston ka barabar ka shukriya