جاگو سونے والو جاگو

جاگو سونے والو جاگو

وقت کے کھونے والو جاگو

باغ میں چڑیاں بول رہی ہیں

کلیاں آنکھیں کھول رہی ہیں

پھول خوشی سے جھوم رہے ہیں

پتوں کا منہ چوم رہے ہیں

جاگ اٹھے دریا اور نہریں

جاگ اٹھیں موجیں اور لہریں

ناؤ چلانے والے جاگے

پار لگانے والے جاگے

ساری دنیا جاگ رہی ہے

کام کی جانب بھاگ رہی ہے

لکھنے پڑھنے والو جاگو

پھولنے بڑھنے والو جاگو

منہ دھو دھا کر ناشتہ کھاؤ

بستہ لے کر مدرسے جاؤ

صبح کا سونا خوب نہیں ہے

اچھا یہ اسلوب نہیں ہے

جاگو سونے والو جاگو

وقت کے کھونے والو جاگو

jago sone walo jago

waqt ke khone walo jago

bagh mein chiriyan bol rahi hain

kaliyan ankhen khol rahi hain

phul khushi se jhum rahe hain

patton ka munh chum rahe hain

jag uthe dariya aur nahren

jag uthen maujen aur lahren

nao chillane wale jage

par lagane wale jage

sari duniya jag rahi hai

kam ki janib bhag rahi hai

likhne parhne walo jago

phulne barhne walo jago

munh dho dha kar nashta khao

basta le kar madrase jao

subh ka sona khub nahin hai

achchha ye uslub nahin hai

jago sone walo jago

waqt ke khone walo jago