Arooz is now on the App Store, for iPhone and iPad. Download →

All poetry

اگر مکڑی دکھائی دے

Ibn-e-Mufti

اگر مکڑی دکھائی دے

تو ڈرتی ہے مری بیٹی

بڑا ہی خوف کھاتی ہے

تقاضا مجھ سے کرتی ہے

کہ اس کو مار ڈالوں میں

مگر کچھ سوچ کر یارو

اٹھا لیتا ہوں میں اس کو

اور باہر چھوڑ آتا ہوں

یہی مکڑی تھی کہ جس نے

وہ غار ثور میں جالا

تھا کچھ ایسے بنا ڈالا

کہ دشمن بھی پہنچ کر واں

نہیں ان تک پہنچ پائے

بڑا احساں ہے مکڑی کا

مسلمانان عالم پر

یہی کچھ سوچ کر یارو

اٹھا لیتا ہوں میں اس کو

اور باہر چھوڑ آتا ہوں