سنبھال قلب و جگر تیغ اٹھا نظر نہ بچا

سنبھال قلب و جگر تیغ اٹھا نظر نہ بچا

ترا گماں یہ غلط ہے کہ کوئی سر نہ بچا

کوئی دیا کوئی بادل کوئی شجر نہ بچا

ہوا چلی تو کوئی نقش معتبر نہ بچا

سند لئے ہوئے پرواز کی فضاؤں سے

میں یوں زمین پہ اترا کہ کوئی پر نہ بچا

بجز عمل کوئی نسبت نہ کام آئے گی

خدا کے قہر سے تو نوحؔ کا پسر نہ بچا

عجیب معرکہ یہ وہم و اعتبار میں تھا

اسی کی تیغ چلی اور اسی کا سر نہ بچا

sambhal qalb-o-jigar tegh utha nazar na bacha

tira guman ye ghalat hai ke koi sar na bacha

koi diya koi badal koi shajar na bacha

hawa chali to koi naqsh motabar na bacha

sanad liye hue parwaz ki fazaon se

main yun zamin pe utra ke koi par na bacha

bajuz amal koi nisbat na kam aegi

khuda ke qahr se to nuh ka pisar na bacha

ajib marka ye wahm-o-etibar mein tha

usi ki tegh chali aur usi ka sar na bacha