Arooz is now on the App Store, for iPhone and iPad. Download →

All poetry

خدا کہتا ہے بندوں سے

Ibn-e-Mufti

خدا کہتا ہے بندوں سے

مجھے تم سے محبت ہے

تمہاری شہ رگ سے بھی

میں زیادہ پاس رہتا ہوں

تمہیں میں کیسے سمجھاؤں

مجھے تم سے محبت ہے

میں دوں تم کو مثال ایسی

جسے تم سن کے برجستہ

کہو آمنا صدقنا

سنو

ہے کون سی ہستی

جو تم کو جاں سے پیاری ہے

کہ جس کی زیست کا پل پل

تمہیں پہ واری واری ہے

دعا کرتے ہوئے شب شب

سدا جس نے گزاری ہے

یہ سچ ہے وہ تو ماں ہی ہے

بس اتنا جان لو لوگو

کہ اس ماں سے کہیں زیادہ

مجھے تم سے محبت ہے