آزادیٔ ضمیر ستم گر خرید لی

آزادیٔ ضمیر ستم گر خرید لی

سر نے ہمارے قوت خنجر خرید لی

کچھ زندگی کی خاص ضرورت نہ تھی مگر

قدموں کی تیرے خاک سمجھ کر خرید لی

جادوگری ان آنکھوں کی مت پوچھئے حضور

اک پل میں شورش دل مضطر خرید لی

میلے سے بندے بال پنیں کچھ نہیں لئے

میری غیور بیٹی نے چادر خرید لی

کیفیؔ میں اس پہ موت کو ترجیح کیوں نہ دوں

وہ زندگی جو جان بچا کر خرید لی

azadi-e-zamir-e-sitam gar kharid li

sar ne hamare quwwat-e-khanjar kharid li

kuchh zindagi ki khas zarurat na thi magar

qadmon ki tere khak samajh kar kharid li

jadugari in ankhon ki mat puchhiye huzur

ik pal mein shorish-e-dil-e-muztar kharid li

mele se bande bal pinen kuchh nahin liye

meri ghayur beti ne chadar kharid li

kaifi mein us pe maut ko tarjih kyun na dun

wo zindagi jo jan bacha kar kharid li