پھیلتا پھیلتا شام غم کا دھواں

پھیلتا پھیلتا شام غم کا دھواں

اک اداسی کا تنتا ہوا سائباں

اونچے اونچے مناروں کے سر پہ رواں

دیکھ پہنچا ہے آخر کہاں سے کہاں

جھانکتا صورت خیل آوارگاں

غرفہ غرفہ بہر کاخ و کو شہر میں

دفعتاً سیل ظلمات کو چیرتا

جل اٹھا دور بستی کا پہلا دیا

پنچھیوں نے بھی پچھم کا رستہ لیا

خیر جاؤ عزیزو مگر دیکھنا

ایک جگنو بھی مشعل سی لے کے چلا

ہے اسے بھی کوئی جستجو شہر میں؟

آسماں پر رواں سرمئی بادلو

ہاں تمہیں کیا اڑو اور اونچے اڑو

باغ عالم کے تازہ شگفتہ گلو

بے نیازانہ مہکا کرو خوش رہو

لیکن اتنا بھی سوچا، کبھی ظالمو!

ہم بھی ہیں عاشق رنگ و بو شہر میں

کوئی دیکھے یہ مجبوریاں دوریاں

ایک ہی شہر میں ہم کہاں تم کہاں

دوستوں نے بھی چھوڑی ہیں دال داریاں

آج وقف غم الفت رائیگاں

ہم جو پھرتے ہیں وحشت زدہ سرگراں

تھے کبھی صاحب آبرو شہر میں

لوگ طعنوں سے کیا کیا جتاتے نہیں

ایسے راہی تو منزل کو پاتے نہیں

جی سے اک دوسرے کو بھلاتے نہیں

سامنے بھی مگر آتے جاتے نہیں

اور جائیں تو آنکھیں ملاتے نہیں

ہائے کیا کیا نہیں گفتگو شہر میں

چاند نکلا ہے داغوں کی مشعل لیے

دور گرجا کے میناروں کی اوٹ سے

آ مری جان آ ایک سے دو بھلے

آج پھیرے کریں کوچۂ یار کے

اور ہے کون درد آشنا باورے!

ایک میں شہر میں، ایک تو شہر میں

phailta phailta sham-e-gham ka dhuan

ik udasi ka tananta hua saiban

unche unche manaron ke sar pe rawan

dekh pahuncha hai akhir kahan se kahan

jhankta surat-e-khail awargan

ghurfa ghurfa bahr kakh-o-ko shahr mein

dafatan sail-e-zulmat ko chirta

jal utha dur basti ka pahla diya

panchhiyon ne bhi pachchham ka rasta liya

khair jao azizo magar dekhna

ek jugnu bhi mashal si le ke chala

hai use bhi koi justuju shahr mein?

asman par rawan surmai badalo

han tumhen kya uro aur unche uro

bagh alam ke taza shagufta galo

be niyazana mahka karo khush raho

lekin itna bhi socha, kabhi zalimo!

ham bhi hain ashiq-e-rang-o-bu shahr mein

koi dekhe ye majburiyan duriyan

ek hi shahr mein ham kahan tum kahan

doston ne bhi chhori hain dal dariyan

aj waqf-e-gham-e-ulfat raigan

ham jo phirte hain wahshat zada sargiran

the kabhi sahab-e-abru shahr mein

log taanon se kya kya jatate nahin

aise rahi to manzil ko pate nahin

ji se ik dusre ko bhulate nahin

samne bhi magar ate jate nahin

aur jaen to ankhen milate nahin

hae kya kya nahin guftugu shahr mein

chand nikla hai daghon ki mashal liye

dur garja ke minaron ki ot se

a miri jan a ek se do bhale

aj phere karen kucha-e-yar ke

aur hai kaun dard-e-ashna baore!

ek main shahr mein, ek to shahr mein