منی تیرے دانت کہاں ہیں

منی تیرے دانت کہاں ہیں

دانت تھے میں نے دودھ پلا کر سات برس میں پالے

آ کر ان کو لے گئے چوہے لمبی مونچھوں والے

گڑ کا ان کو ماٹ ملا تھا میٹھا اور مزے دار

لاکھ خوشامد کر کے مجھ سے لے لئے دانت ادھار

منی تیرے دانت کہاں ہیں

بلی تھی اک مامی موسی چپکے چپکے آئی

پنجوں پر تھی دیگ کی کھرچن ہونٹوں پر بالائی

بولی گڑ کے ماٹ پہ میں نے چوہے دیکھے چار

حصہ آدھوں آدھ رہے گا دے دو دانت ادھار

منی تیرے دانت کہاں ہیں

بعد میں بوڑھا موتی آیا رونی شکل بنائے

بولا بی بی اس بلی کا کچھ تو کریں اپائے

دودھ نہ چھوڑے گوشت نہ چھوڑے ہیں بڈھا لاچار

اس کو کروں شکار جو مجھ کو دے دو دانت ادھار

اچھی منی تم نے اپنے اتنے دانت گنوائے

کچھ چوہوں نے کچھ بلی نے کچھ موتی نے پائے

باقی جو دو چار رہے ہیں وہ ہم کو دلواؤ

اک دعوت میں آج ملیں گے تکے اور پلاؤ

مرغی کے پائے کا سالن بیگن کا آچار

دو گی یا کسی اور سے مانگوں

ہاں دیے ادھار

بابا ہاں ہاں دیے ادھار

منی تیرے دانت کہاں ہیں

mani tere dant kahan hain

dant the main ne dudh pila kar sat baras mein pale

a kar un ko le gae chuhe lambi munchhon wale

gur ka un ko mat mila tha mitha aur maze dar

lakh khushamad kar ke mujh se le liye dant udhar

mani tere dant kahan hain

billi thi ik mami musa chupke chupke ai

panjon par thi deg ki khurchan honton par balai

boli gur ke mat pe main ne chuhe dekhe char

hissa adhon adh rahega de do dant udhar

mani tere dant kahan hain

baad mein burha moti aya roni shakl banae

bola bi bi is billi ka kuchh to karen upae

dudh na chhore gosht na chhore hain buddha lachar

us ko karun shikar jo mujh ko de do dant udhar

achchhi mani tum ne apne itne dant ganwae

kuchh chuhon ne kuchh billi ne kuchh moti ne pae

baqi jo do char rahe hain wo ham ko dalwao

ik daawat mein aj milenge take aur pilao

murghi ke pae ka salan baign ka achar

dogi ya kisi aur se mangun

han diye udhar

baba han han diye udhar

mani tere dant kahan hain