دیکھ تو گوری کسے پکارے

دیکھ تو گوری کسے پکارے

بستی بستی دوارے دوارے

بر میں جھولی ہاتھ میں کاسہ

گھوم رہا ہے پیت کا پیاسا

دل میں آگ دبی ہے ڈرنا

آنکھوں میں اشکوں کا جھرنا

لب پر درد کا بارہ ماسا

گھوم رہا ہے پیت کا پیاسا

کانٹوں سے چھلنی ہیں پاؤں

دھوپ ملی چہرے پر چھاؤں

آس ملی آنکھوں میں نراسا

گھوم رہا ہے پیت کا پیاسا

بات ہماری مان کے گوری

سب دنیا سے چوری چوری

گھونگھٹ کا پٹ کھول ذرا سا

گھوم رہا ہے پیت کا پیاسا

صورت ہے انشاؔ جی کی سی

بال پریشاں آنکھیں نیچی

نام بھی کچھ انشاؔ جی کا سا

گھوم رہا ہے پیت کا پیاسا

سوچ نہیں ساجن کو بلا لے

آگے بڑھ سینے سے لگا لے

تجھ بن دے اسے کون دلاسا

گھوم رہا ہے پیت کا پیاسا

dekh to gori kise pukare

basti basti dware dware

bar mein jholi hath mein kasa

ghum raha hai pit ka pyasa

dil mein ag dabi hai darna

ankhon mein ashkon ka jharna

lab pur dard ka bara masa

ghum raha hai pit ka pyasa

kanton se chhalni hain paon

dhup mili chehre par chhaon

as mili ankhon mein nirasa

ghum raha hai pit ka pyasa

bat hamari man ke gori

sab duniya se chori chori

ghunghat ka pat khol zara sa

ghum raha hai pit ka pyasa

surat hai insha ji ki si

bal pareshan ankhen nichi

nam bhi kuchh insha ji ka sa

ghum raha hai pit ka pyasa

soch nahin sajan ko bala le

age barh sine se laga le

tujh bin de use kaun dilasa

ghum raha hai pit ka pyasa