کھوئے ہوئے ہیں سر کو جھکائے ہوئے ہیں آپ

کھوئے ہوئے ہیں سر کو جھکائے ہوئے ہیں آپ

جیسے کہ بار عشق اٹھائے ہوئے ہیں آپ

دل میں کسک نگہ میں جھجک تن میں ارتعاش

رنگینیوں میں آج نہائے ہوئے ہیں آپ

بوٹا سا قد وہ بھولی سی صورت بدن گداز

اف کتنی دل فریبی چھپائے ہوئے ہیں آپ

رنگینئ جہاں میں الجھتی نہیں نگاہ

اللہ کس کو اپنا بنائے ہوئے ہیں آپ

کس کو تلاش کرتی ہے بھٹکی ہوئی نگاہ

کس پر سکون قلب لٹائے ہوئے ہیں آپ

یہ کس کی یاد سینے میں لیتی ہے چٹکیاں

یہ کس کی دھن میں خود کو بھلائے ہوئے ہیں آپ

کس کے لئے یہ آنکھوں میں آنسو جگر میں درد

کس کا خیال دل سے لگائے ہوئے ہیں آپ

آنسو کے کانپتے ہوئے قطرے میں کون ہے

سہمی نظر میں کس کو چھپائے ہوئے ہیں آپ

کس کے بھرے ہیں رنگ یہ قوس حیات میں

کس کو نفس نفس میں چھپائے ہوئے ہیں آپ

کیا مل گئیں حبیبؔ سے آنکھیں خطا معاف

جیسے شکست عشق سے کھائے ہوئے ہیں آپ

khoe hue hain sar ko jhukae hue hain ap

jaise ke bar ishq uthae hue hain ap

dil mein kasak nigah mein jhijak tan mein irtiash

ranginiyon mein aj nahae hue hain ap

buta sa qad wo bhuli si surat badan gudaz

uf kitni dil farebi chhupae hue hain ap

rangini-e-jahan mein ulajhti nahin nigah

allah kis ko apna banae hue hain ap

kis ko talash karti hai bhatki hui nigah

kis pur sukun-e-qalb lutae hue hain ap

ye kis ki yad sine mein leti hai chutkiyan

ye kis ki dhun mein khud ko bhulae hue hain ap

kis ke liye ye ankhon mein ansu jigar mein dard

kis ka khayal-e-dil se lagae hue hain ap

ansu ke kanpte hue qatre mein kaun hai

sahmi nazar mein kis ko chhupae hue hain ap

kis ke bhare hain rang ye qaus-e-hayat mein

kis ko nafas nafas mein chhupae hue hain ap

kya mil gain habib se ankhen khata muaf

jaise shikast-e-ishq se khae hue hain ap