کچھ کام کرو کچھ کام کرو

کچھ کام کرو کچھ کام کرو

دنیا میں پیدا نام کرو

دن بھر محنت میں شاد رہو

جب رات پڑے آرام کرو

انجام خدا کے ہاتھ میں ہے

تم کوشش صبح و شام کرو

تکلیف سے راحت ملتی ہے

یہ سودا لو وہ دام کرو

ہمت سے آگے بڑھ جاؤ

بڑھ کر حاصل انعام کرو

ہمدردی سے غم خواری سے

ہر شخص کے دل کو رام کرو

لوگوں میں تمہاری قدر بڑھے

بچو کوئی ایسا کام کرو

تعلیم جہاں میں پھیلاؤ

اس فیضؔ کا چرچا عام کرو

kuchh kam karo kuchh kam karo

duniya mein paida nam karo

din bhar mehnat mein shad raho

jab rat pare aram karo

anjam khuda ke hath mein hai

tum koshish subh-o-sham karo

taklif se rahat milti hai

ye sauda lo wo dam karo

himmat se age barh jao

barh kar hasil inam karo

hamdardi se gham khwari se

har shakhs ke dil ko ram karo

logon mein tumhari qadar barhe

bachcho koi aisa kam karo

taalim jahan mein phailao

is faiz ka charcha am karo