Arooz is now on the App Store, for iPhone and iPad. Download →

All poetry

اے نئے سال بتا تجھ میں نیاپن کیا ہے

Faiz Ludhianvi (1911–1995)

اے نئے سال بتا تجھ میں نیاپن کیا ہے

ہر طرف خلق نے کیوں شور مچا رکھا ہے

روشنی دن کی وہی تاروں بھری رات وہی

آج ہم کو نظر آتی ہے ہر ایک بات وہی

آسمان بدلا ہے افسوس نا بدلی ہے زمیں

ایک ہندسے کا بدلنا کوئی جدت تو نہیں

اگلے برسوں کی طرح ہوں گے قرینے تیرے

کسے معلوم نہیں بارہ مہینے تیرے

جنوری فروری مارچ میں پڑے گی سردی

اور اپریل مئی جون میں ہو گی گرمی

تیرا من دہر میں کچھ کھوئے گا کچھ پائے گا

اپنی میعاد بسر کر کے چلا جائے گا

تو نیا ہے تو دکھا صبح نئی شام نئی

ورنہ ان آنکھوں نے دیکھے ہیں نئے سال کئی

بے سبب لوگ کیوں دیتے ہیں مبارک بادیں

غالباً بھول گئے وقت کی کڑوی یادیں

تیری آمد سے گھٹی عمر جہاں سے سب کی

فیضؔ نے لکھی ہے یہ نظم نرالے ڈھب کی