دل نے کہا تھا کافی پہلے عشق کا اک افسانہ لکھ

دل نے کہا تھا کافی پہلے عشق کا اک افسانہ لکھ

بیگانوں کو اپنا لکھ دے اپنوں کو بیگانہ لکھ

پچھلی رتوں میں خون کی بارش آنکھوں سے جب برسی تھی

اس منظر کا عکس بنا اس عکس پہ تو دیوانہ لکھ

جلتی بجھتی شمع سحر تک جیسے تیسے چلتی ہے

جو لمحوں میں خاک ہوا ہے لکھ اس کو پروانہ لکھ

بیچ میں جس نے نفرت بوئی تو اس کو فرزانہ لکھ

شعر میں اکثر باتیں ستر ستر معنی رکھتی ہیں

پردوں کا یہ جھنجھٹ چھوڑ دے جرأت کر رندانہ لکھ

ان آنکھوں نے کیسے کیسے منظر دیکھے دنیا میں

دنیا داری کرنی ہے تو آنکھوں کو تہہ خانہ لکھ

دانشؔ تو نے خوب لکھا ہے لفظوں سے بھی کھیلا ہے

لیکن جو بیدار ہوئے ان زخموں کا جرمانہ لکھ

dil ne kaha tha kafi pahle ishq ka ik afsana likh

beganon ko apna likh de apnon ko begana likh

pichhli ruton mein khun ki barish ankhon se jab barsi thi

is manzar ka aks bana is aks pe to diwana likh

jalti bujhti sham-e-sahar tak jaise taise chalti hai

jo lamhon mein khak hua hai likh us ko parwana likh

bich mein jis ne nafrat boi to us ko farzana likh

sher mein aksar baten satar satar maani rakhti hain

pardon ka ye jhanjhat chhor de jurat kar rindana likh

in ankhon ne kaise kaise manzar dekhe duniya mein

duniya dari karni hai to ankhon ko tah khana likh

danish tu ne khub likha hai lafzon se bhi khela hai

lekin jo bedar hue in zakhmon ka jurmana likh