حجازی لے گئی ہم نے بھلائے طور ترکانی

حجازی لے گئی ہم نے بھلائے طور ترکانی

بچی لے دے کے ہم میں اب فقط اپنوں کی من مانی

جمال صبح پیدا کر کہ ناظر خود بخود آئیں

اڑا لہجے سے وہ خوشبو لگے جو بوئے بستانی

حکومت کا تماشہ ہے امارت کا تکبر ہے

جو کل آزاد تھے وہ آج بن بیٹھے ہیں زندانی

سنبھل اے نوجوان اب وقت بھی نزدیک آتا ہے

مجھے تو خوں رلاتی ہے لہو کی تیرے ارزانی

تعیش میں گنوا بیٹھے گا میراث سلف سن لے

جفا کش بن تو پھر تیرا ہے یہ تخت سلیمانی

کہاں تیری حمیت اور غیرت ہے وہی جس سے

ڈرے تھے قیصر و کسریٰ گرا تھا تاج خاقانی

ہلاکت خیز دلدل میں اتارا کس نے امت کو

بتا دانشؔ وہ جرأت تھی کہ تھا انداز رہبانی

hijazi le gai ham ne bhulae tur turkani

bachi le de ke ham mein ab faqat apnon ki man mani

jamal-e-subh paida kar ke nazir khud bakhud aen

ura lahje se wo khushbu lage jo bu-e-bustani

hukumat ka tamasha hai amarat ka takabbur hai

jo kal azad the wo aj ban baithe hain zindani

sambhal ai naujawan ab waqt bhi nazdik ata hai

mujhe to khun rulati hai lahu ki tere arzani

taayyush mein ganwa baithega miras-e-salaf sun le

jafa kash ban to phir tera hai ye takht-e-sulaimani

kahan teri hamiyyat aur ghairat hai wahi jis se

dare the qaisar-o-kisra gira tha taj-e-khaqani

halakat khez daldal mein utara kis ne ummat ko

bata danish wo jurat thi ke tha andaz-e-rahbani