ہوائیں گیت گاتی ہیں

ہوائیں گیت گاتی ہیں

بدلتے موسموں کے انگنت قصے سناتی ہیں

شجر سے زرد پتوں کو گرا کر مسکراتی ہیں

ہوائیں گیت گاتی ہیں

تھکے ہارے مسافر شام ڈھلتے ہی

کسی صحرا میں جب اپنا پڑاؤ ڈال دیتے ہیں

تو صحرا کی ہوائیں

ہر مسافر کا سندیسہ لے کے آتی ہیں

انہیں جا کر سناتی ہیں

جو اپنے گھر کی چوکھٹ پر

کسی کی راہ تکتے ہیں

جو اکثر شام ڈھلتے ہی

چراغ دل منڈیروں پر جلاتے ہیں

کسی کے لوٹ آنے کی تمنا میں

بڑے صدمے اٹھاتے ہیں

ہوائیں بے یقین ان منتظر آنکھوں کو جب چھو کر گزرتی ہیں

تو ان میں اعتبار اور آرزوؤں کے ستارے جھلملاتی ہیں

ہوائیں گیت گاتی ہیں

hawaen git gati hain

badalte mausamon ke anginat qisse sunati hain

shajar se zard patton ko gira kar muskurati hain

hawaen git gati hain

thake hare musafir sham dhalte hi

kisi sahra mein jab apna parao dal dete hain

tu sahra ki hawaen

har musafir ka sundisah le ke ati hain

unhen ja kar sunati hain

jo apne ghar ki chaukhat par

kisi ki rah takte hain

jo aksar sham dhalte hi

charagh-e-dil munderon par jalate hain

kisi ke laut ane ki tamanna mein

bare sadme uthate hain

hawaen be yaqin un muntazir ankhon ko jab chhu kar guzarti hain

tu un mein etibar aur arzuon ke sitare jhilmilati hain

hawaen git gati hain