چلو پھر سے مسکرائیں

چلو پھر سے مسکرائیں

چلو پھر سے دل جلائیں

جو گزر گئیں ہیں راتیں

انہیں پھر جگا کے لائیں

جو بسر گئیں ہیں باتیں

انہیں یاد میں بلائیں

چلو پھر سے دل لگائیں

چلو پھر سے مسکرائیں

کسی شہ نشیں پہ جھلکی

وہ دھنک کسی قبا کی

کسی رگ میں کسمسائی

وہ کسک کسی ادا کی

کوئی حرف بے مروت

کسی کنج لب سے پھوٹا

وہ چھنک کے شیشۂ دل

تہ بام پھر سے ٹوٹا

یہ ملن کی نا ملن کی

یہ لگن کی اور جلن کی

جو سہی ہیں وارداتیں

جو گزر گئیں ہیں راتیں

جو بسر گئی ہیں باتیں

کوئی ان کی دھن بنائیں

کوئی ان کا گیت گائیں

چلو پھر سے مسکرائیں

چلو پھر سے دل جلائیں

chalo phir se muskuraen

chalo phir se dil jalaen

jo guzar gain hain raten

unhen phir jaga ke laen

jo basar gain hain baten

unhen yad mein balaen

chalo phir se dil lagaen

chalo phir se muskuraen

kisi shah nashin pe jhalki

wo dhanak kisi qaba ki

kisi rag mein kasmasai

wo kasak kisi ada ki

koi harf-e-be murawwat

kisi kunj-e-lab se phuta

wo chhanak ke shisha-e-dil

tah bam phir se tuta

ye milan ki na milan ki

ye lagan ki aur jalan ki

jo sahi hain wardaten

jo guzar gain hain raten

jo basar gai hain baten

koi un ki dhun banaen

koi un ka git gaen

chalo phir se muskuraen

chalo phir se dil jalaen