آج کی رات ساز درد نہ چھیڑ

آج کی رات ساز درد نہ چھیڑ

دکھ سے بھرپور دن تمام ہوئے

اور کل کی خبر کسے معلوم

دوش و فردا کی مٹ چکی ہیں حدود

ہو نہ ہو اب سحر کسے معلوم

زندگی ہیچ! لیکن آج کی رات

ایزدیت ہے ممکن آج کی رات

آج کی رات ساز درد نہ چھیڑ

اب نہ دہرا فسانہ ہائے الم

اپنی قسمت پہ سوگوار نہ ہو

فکر فردا اتار دے دل سے

عمر رفتہ پہ اشک بار نہ ہو

عہد غم کی حکایتیں مت پوچھ

ہو چکیں سب شکایتیں مت پوچھ

آج کی رات ساز درد نہ چھیڑ

aj ki rat saz-e-dard na chher

dukh se bharpur din tamam hue

aur kal ki khabar kise maalum

dosh-o-farda ki mit chuki hain hudud

ho na ho ab sahar kise maalum

zindagi hech! lekin aj ki rat

ezdet hai mumkin aj ki rat

aj ki rat saz-e-dard na chher

ab na dohra fasana ha-e-alam

apni qismat pe sogwar na ho

fikr-e-farda utar de dil se

umr-e-rafta pe ashk bar na ho

ahd-e-gham ki hikayaten mat puchh

ho chuken sab shikayaten mat puchh

aj ki rat saz-e-dard na chher