گزر رہے ہیں شب و روز تم نہیں آتیں

گزر رہے ہیں شب و روز تم نہیں آتیں

ریاض زیست ہے آزردۂ بہار ابھی

مرے خیال کی دنیا ہے سوگوار ابھی

جو حسرتیں ترے غم کی کفیل ہیں پیاری

ابھی تلک مری تنہائیوں میں بستی ہیں

طویل راتیں ابھی تک طویل ہیں پیاری

اداس آنکھیں تری دید کو ترستی ہیں

بہار حسن پہ پابندیٔ جفا کب تک

یہ آزمائش صبر گریز پا کب تک

قسم تمہاری بہت غم اٹھا چکا ہوں میں

غلط تھا دعویٔ صبر و شکیب آ جاؤ

قرار خاطر بیتاب تھک گیا ہوں میں

guzar rahe hain shab-o-roz tum nahin atin

riyaz-e-zist hai azurda-e-bahar abhi

mire khayal ki duniya hai sogwar abhi

jo hasraten tire gham ki kafil hain pyari

abhi talak miri tanhaiyon mein basti hain

tawil raten abhi tak tawil hain pyari

udas ankhen tiri did ko tarasti hain

bahar-e-husn pe pabandi-e-jafa kab tak

ye azmaish sabr-e-gurez pa kab tak

qasam tumhari bahut gham utha chuka hun main

ghalat tha daawa-e-sabr-o-shakeb a jao

qarar-e-khatir-e-betab thak gaya hun main