سچ ہے ہمیں کو آپ کے شکوے بجا نہ تھے

سچ ہے ہمیں کو آپ کے شکوے بجا نہ تھے

بے شک ستم جناب کے سب دوستانہ تھے

ہاں جو جفا بھی آپ نے کی قاعدے سے کی

ہاں ہم ہی کاربند اصول وفا نہ تھے

آئے تو یوں کہ جیسے ہمیشہ تھے مہرباں

بھولے تو یوں کہ جیسے کبھی آشنا نہ تھے

کیوں داد غم ہمیں نے طلب کی برا کیا

ہم سے جہاں میں کشتۂ غم اور کیا نہ تھے

گر فکر زخم کی تو خطاوار ہیں کہ ہم

کیوں محو مدح خوبی تیغ ادا نہ تھے

ہر چارہ گر کو چارہ گری سے گریز تھا

ورنہ ہمیں جو دکھ تھے بہت لا دوا نہ تھے

لب پر ہے تلخی مئے ایام ورنہ فیضؔ

ہم تلخی کلام پہ مائل ذرا نہ تھے

sach hai hamen ko ap ke shikwe baja na the

be shak sitam janab ke sab dostana the

han jo jafa bhi ap ne ki qaide se ki

han ham hi karband usul-e-wafa na the

ae to yun ke jaise hamesha the mehrban

bhule to yun ke jaise kabhi ashna na the

kyun dad gham hamen ne talab ki bura kiya

ham se jahan mein kushta-e-gham aur kiya na the

gar fikr zakhm ki to khatawar hain ke ham

kyun mahw-e-madh khubi tegh-e-ada na the

har chara gar ko chara giri se gurez tha

warna hamen jo dukh the bahut la dawa na the

lab par hai talkhi-e-mai-e-ayyam warna faiz

ham talkhi-e-kalam pe mail zara na the