آج پھر درد و غم کے دھاگے میں

آج پھر درد و غم کے دھاگے میں

ہم پرو کر ترے خیال کے پھول

ترک الفت کے دشت سے چن کر

آشنائی کے ماہ و سال کے پھول

تیری دہلیز پر سجا آئے

پھر تری یاد پر چڑھا آئے

باندھ کر آرزو کے پلے میں

ہجر کی راکھ اور وصال کے پھول

aj phir dard-o-gham ke dhage mein

ham piro kar tire khayal ke phul

tark-e-ulfat ke dasht se chun kar

ashnai ke mah-o-sal ke phul

teri dahliz par saja ae

phir tiri yad par charha ae

bandh kar arzu ke pale mein

hijr ki rakh aur wisal ke phul