تجھ کو کتنوں کا لہو چاہیئے اے ارض وطن

تجھ کو کتنوں کا لہو چاہیئے اے ارض وطن

جو ترے عارض بے رنگ کو گلنار کریں

کتنی آہوں سے کلیجہ ترا ٹھنڈا ہوگا

کتنے آنسو ترے صحراؤں کو گل زار کریں

تیرے ایوانوں میں پرزے ہوئے پیماں کتنے

کتنے وعدے جو نہ آسودۂ اقرار ہوئے

کتنی آنکھوں کو نظر کھا گئی بد خواہوں کی

خواب کتنے تری شہ راہوں میں سنگسار ہوئے

بلا کشان محبت پہ جو ہوا سو ہوا''

جو مجھ پہ گزری مت اس سے کہو، ہوا سو ہوا

مبادا ہو کوئی ظالم ترا گریباں گیر

''لہو کے داغ تو دامن سے دھو، ہوا سو ہوا

ہم تو مجبور وفا ہیں مگر اے جان جہاں

اپنے عشاق سے ایسے بھی کوئی کرتا ہے

تیری محفل کو خدا رکھے ابد تک قائم

ہم تو مہماں ہیں گھڑی بھر کے ہمارا کیا ہے

tujh ko kitnon ka lahu chahiye ai arz-e-watan

jo tire ariz-e-be rang ko gulnar karen

kitni ahon se kaleja tira thanda hoga

kitne ansu tire sahraon ko gul zar karen

tere aiwanon mein purze hue paiman kitne

kitne waade jo na asuda-e-iqrar hue

kitni ankhon ko nazar kha gai bad khwahon ki

khwab kitne tiri shah rahon mein sangsar hue

bala kashin mohabbat pe jo hua so hua''

jo mujh pe guzri mat us se kaho, hua so hua

mabada ho koi zalim tira gareban gir

''lahu ke dagh to daman se dho, hua so hua

ham to majbur-e-wafa hain magar ai jan-e-jahan

apne ushshaq se aise bhi koi karta hai

teri mahfil ko khuda rakhe abad tak qaim

ham to mehman hain ghari bhar ke hamara kya hai