ہم وہ مجبور کہ ہجرت بھی نہیں کر سکتے

ہم وہ مجبور کہ ہجرت بھی نہیں کر سکتے

یعنی آزادی کی چاہت بھی نہیں کر سکتے

اپنے کعبہ پہ تو قبضہ ہے عزازیلوں کا

ہم تو اب کھل کے عبادت بھی نہیں کر سکتے

ترکیا مست مئے ناب عرب مست معاش

اب تو وہ میری حمایت بھی نہیں کر سکتے

قاتلو ٹھہرو ذرا ایک تو سجدہ کر لوں

کیا ذرا سی یہ رعایت بھی نہیں کر سکتے

جو بھی تھا سب تو لٹا ڈالا ہے حضرت اب کیا

آپ اب اور سخاوت بھی نہیں کر سکتے

نام رکھا ہے مسلمانوں سا مر جاؤ کہ تم

قوم مسلم سے برأت بھی نہیں کر سکتے

دانش اثریؔ نے بتائی تھی تمہیں کل کی خبر

تم تو اب اس سے شکایت بھی نہیں کر سکتے

ham wo majbur ke hijrat bhi nahin kar sakte

yaani azadi ki chahat bhi nahin kar sakte

apne kaaba pe to qabza hai azazilon ka

ham to ab khul ke ibadat bhi nahin kar sakte

tarkaya mast-e-mai nab arab mast-e-maash

ab to wo meri himayat bhi nahin kar sakte

qatilo thahro zara ek to sajda kar lun

kya zara si ye riayat bhi nahin kar sakte

jo bhi tha sab to luta dala hai hazrat ab kya

ap ab aur sakhawat bhi nahin kar sakte

nam rakha hai musalmanon sa mar jao ke tum

qaum muslim se barat bhi nahin kar sakte

danish asari ne batai thi tumhen kal ki khabar

tum to ab us se shikayat bhi nahin kar sakte