پورے مجمع کو لاجواب کیا

پورے مجمع کو لاجواب کیا

حسن پر اس نے جب خطاب کیا

عمر بھر پھر نہیں ہوئے ناکام

تو نے جس جس کو کامیاب کیا

تیرے جاتے ہی کھل گئیں آنکھیں

نیند آدھی کی پورا خواب کیا

حال اچھا تھا اب تلک میرا

پوچھ کر تو نے سب خراب کیا

احتراماً سبھی خطوط ترے

جا کے ساحل پہ غرق آب کیا

صفر بچتا ہے دل کے خانے میں

میں نے خوشیوں کا جب حساب کیا

شکر صد شکر ایسی غربت کا

جس نے اپنوں کو بے نقاب کیا

لگ گئی اس کی نوکری جس نے

جی حضور اور جی جناب کیا

pure majmaa ko lajawab kiya

husn par us ne jab khitab kiya

umr bhar phir nahin hue nakam

tu ne jis jis ko kamyab kiya

tere jate hi khul gain ankhen

nind adhi ki pura khwab kiya

hal achchha tha ab talak mera

puchh kar tu ne sab kharab kiya

ahtarama sabhi khutut tire

ja ke sahil pe gharq-e-ab kiya

sifr bachta hai dil ke khane mein

main ne khushiyon ka jab hisab kya

shukr sad shukr aisi ghurbat ka

jis ne apnon ko be naqab kiya

lag gai us ki naukri jis ne

ji huzur aur ji janab kiya