سب کاٹ دو

سب کاٹ دو

بسمل پودوں کو

بے آب سسکتے مت چھوڑو

سب نوچ لو

بیکل پھولوں کو

شاخوں پہ بلکتے مت چھوڑو

یہ فصل امیدوں کی ہم دم

اس بار بھی غارت جائے گی

سب محنت صبحوں شاموں کی

اب کے بھی اکارت جائے گی

کھیتی کے کونوں کھدروں میں

پھر اپنے لہو کی کھاد بھرو

پھر مٹی سینچو اشکوں سے

پھر اگلی رت کی فکر کرو

پھر اگلی رت کی فکر کرو

جب پھر اک بار اجڑنا ہے

اک فصل پکی تو بھرپایا

جب تک تو یہی کچھ کرنا ہے

sab kat do

bismil paudon ko

be ab sisakte mat chhoro

sab noch lo

bekal phulon ko

shakhon pe bilakte mat chhoro

ye fasl ummidon ki ham dam

is bar bhi gharat jaegi

sab mehnat subhon shamon ki

ab ke bhi akarat jaegi

kheti ke kaunon khaddaron mein

phir apne lahu ki khad bharo

phir mitti sincho ashkon se

phir agli rut ki fikr karo

phir agli rut ki fikr karo

jab phir ik bar ujarna hai

ik fasl paki to bharpaya

jab tak to yahi kuchh karna hai