یہ گلیوں کے آوارہ بے کار کتے

یہ گلیوں کے آوارہ بے کار کتے

کہ بخشا گیا جن کو ذوق گدائی

زمانے کی پھٹکار سرمایہ ان کا

جہاں بھر کی دھتکار ان کی کمائی

نہ آرام شب کو نہ راحت سویرے

غلاظت میں گھر نالیوں میں بسیرے

جو بگڑیں تو اک دوسرے کو لڑا دو

ذرا ایک روٹی کا ٹکڑا دکھا دو

یہ ہر ایک کی ٹھوکریں کھانے والے

یہ فاقوں سے اکتا کے مر جانے والے

مظلوم مخلوق گر سر اٹھائے

تو انسان سب سرکشی بھول جائے

یہ چاہیں تو دنیا کو اپنا بنا لیں

یہ آقاؤں کی ہڈیاں تک چبا لیں

کوئی ان کو احساس ذلت دلا دے

کوئی ان کی سوئی ہوئی دم ہلا دے

ye galiyon ke awara be kar kutte

ke bakhsha gaya jin ko zauq-e-gadai

zamane ki phitkar sarmaya un ka

jahan bhar ki dhutkar un ki kamai

na aram shab ko na rahat sawere

ghilazat mein ghar naliyon mein basere

jo bigren to ik dusre ko lara do

zara ek roti ka tukra dikha do

ye har ek ki thokaren khane wale

ye faqon se ukta ke mar jane wale

mazlum makhluq gar sar uthae

tu insan sab sarkashi bhul jae

ye chahen to duniya ko apna bana len

ye aqaon ki haddiyan tak chaba len

koi un ko ehsas-e-zillat dila de

koi un ki soi hui dam hila de