پھر کوئی آیا دل زار نہیں کوئی نہیں

پھر کوئی آیا دل زار نہیں کوئی نہیں

راہرو ہوگا کہیں اور چلا جائے گا

ڈھل چکی رات بکھرنے لگا تاروں کا غبار

لڑکھڑانے لگے ایوانوں میں خوابیدہ چراغ

سو گئی راستہ تک تک کے ہر اک راہ گزار

اجنبی خاک نے دھندلا دیئے قدموں کے سراغ

گل کرو شمعیں بڑھا دو مے و مینا و ایاغ

اپنے بے خواب کواڑوں کو مقفل کر لو

اب یہاں کوئی نہیں کوئی نہیں آئے گا

phir koi aya dil-e-zar nahin koi nahin

rahrau hoga kahin aur chala jaega

dhal chuki rat bikharne laga taron ka ghubar

larkharane lage aiwanon mein khwabida charagh

so gai rasta tak tak ke har ik rah guzar

ajnabi khak ne dhundla diye qadmon ke suragh

gul karo shamen barha do mai-o-mina-o-ayagh

apne be khwab kiwaron ko muqaffal kar lo

ab yahan koi nahin koi nahin aega