جو چلتا ہے تو قدموں کی کوئی آہٹ نہیں ہوتی

جو چلتا ہے تو قدموں کی کوئی آہٹ نہیں ہوتی

تلاش فرق نیک و بد کی خواہش کو لیے دل میں

گزرتا ہے غبار زیست کی گم نام گلیوں سے

دھندلکا سا کوئی ہے یا کوئی بے خواب سی شب ہے

کوئی بے نور رستہ ہے کہ جس میں کھو گیا ہوں میں

کوئی آواز ہے جو اک دریدہ پیرہن پہنے

ہجوم بے سر و پا میں کئی صدیوں سے رہتی ہے

گزرتی ہے تو ہر جانب سکوت مرگ بہتا ہے

کھنڈر میں سانس لیتا ہے

کوئی بے خانماں سایہ مجھے آواز دیتا ہے

jo chalta hai to qadmon ki koi ahat nahin hoti

talash-e-farq-e-nek-o-bad ki khwahish ko liye dil mein

guzarta hai ghubar-e-zist ki gum nam galiyon se

dhundalka sa koi hai ya koi be khwab si shab hai

koi be nur rasta hai ke jis mein kho gaya hun main

koi awaz hai jo ik darida pairahan pahne

hujum-e-be sar-o-pa mein kai sadiyon se rahti hai

guzarti hai to har janib sukut-e-marg bahta hai

khandar mein sans leta hai

koi be khanuman saya mujhe awaz deta hai